Franck Castellani, c’invia a puesia d’amori…
A passiunella
Ind’è e fulate culurite
Sbattuleghjanu d’incissanti affolli
Di a passiunella e pazzie
Di i nostri primi gesti.
A voglia di una vita ingorda
Ind’è i ghjorni innamurati
D’asgiatezza dolce è priziosa
Sveglia i nostri sensi.
Veneranu l’ore di u silenziu
Ch’avaranu in grandura
I nostri sguardi sul’infinitu
L’inaspirata furtuna cara.
Allora i nostri cori
A squisita smisura
Batteranu tutti dui
Una chjama eterna
E pò cù l’ochji sbrillati
Scriveremu inseme
Qualchì stonde di vita
I primi passi d’amore
Appelamanu o bella !
Pour lire d'autres textes de l'auteur :
Dimmi l’amore / Più che tuttu, ci sì tù
A mo isula viaghja / La petite rivière
Revenir où j'ai laissé mon âme
