Marielle Clementi - Haïku cù mè

 Venti Haiku  nati di l’amori di l’amori è di l’affettu trimendu pà a vita. Da Marielle Clementi (Prima parti di Haiku cù me).

Vede ti torna

Un mumentu, un’ora

Stringhje ti forte.

***

Rivede ti, Mà,

Oghje hè crepacore !

Tristi i ghjorni.

***

Ùn ci hè più sole,

Ùn ci hè celu stellatu

S’ùn ci sì micca.

***

Sai quandu ami,

Mai s’è tù sì amatu.

Megli’à stà zitti.

***

Ùn aghju sceltu !

Ahì ! L’amore hè cusì,

U mo infernu.

***

‘ssi dolci sguardi

Brusgendu sempre in mè,

Ti tengu caru.

***

Voluttà d’oru

Chì si ghjoca di noi dui,

Un crepacore.

***

Tene ti caru ?

Mai, mai più, a ti ghjurgu !

O ! troppu tardi.

***

Ùn hè amore

Quellu ch’è tù mi conti,

Fà mi l’amore !

***

Tù per u sempre

O cum’ella ti pare,

Ma ùn mancà ci.

***

Ti tengu caru

Ma à quale si pò dì ?

Quale m’amarà ?

***

Sapè amà bè

Ùn hè micca comudu

Quand’ùn ti ami…

***

Aghju tenutu

U to sguardu nant’à mè

Furtunata sò !

***

A sapia tù

Da eri o da sempre

A sò anch’eiu

***

Duie anime,

Un sguardu ci bastava !

Cun tè, per sempre.

***

Soffiu di l’alme

Uniti in i guai

Per sempre, sperà.

***

Ale aperte

Mi n’andaraghj’à vulà

In i cunfini.

***

O mossa nova

Sò chì hè ora avà,

Namuremu ci !

***

Lascia ti piglià,

L’amore ti guiderà,

Veni amore !

 Avis aux lecteurs

Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message !