[Écrire pour Santini] Prosopopea di JCL à JPS – Marie-Madeleine Poli-Bonifaci

  

Jean-Pierre Santini, l’écrivain-éditeur est emprisonné depuis le 10 octobre sous le régime de la détention « préventive ». Contre l’arbitraire et pour servir de chambre d’écho à l’émotion partagée par de très nombreux auteurs de Corse ou d’ailleurs, Le Nouveau Décaméron ouvre ses colonnes.

  

  

Prosopopea  di  JCL*  à  JPS

 

E stagioni vanu à fila

À ciotassi in lu marosu.

Ogni pesta ha una fine

Sii  corciu o piumosu.

  

In lu scornu che tù giri

Nascenu penseri novi.

Per l’immensità spapersa

Anc’ a libertà si more.

  

U ritrattu più perfettu

Tempu  ingordu lu si strughje

Cume fiore chì stà in pettu

Aspettendu calatura.

  

U ricordu, chì l’ha in core

Ùn cunoscerà sciagura.

Di scurdassi d’i so lochi

U pueta ùn’ha primura.

  

Ti salutu O amicu

Ch’hai fattu tante rime !

Eiu in celu le mi tengu

À fianc’ à lu mio Destinu.

  

Da quassù parenu l’omi

Più  strazziàti che pomposi.

Trà li guaii è li frastorni,

Si cunsumanu li ghjorni.

  

Quì ci manca l’armunia

Che trovai in le to fole !

Di parlà filusufia

Incù  Diu più questione !

  

Per me a teulugia

Hè affare assai torbiu…

Mandàmi qualchi scrittoghju

Da scuzzulàmi sti nuli ! 

 

 

 Avis aux lecteurs

Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?

Entamez un dialogue : écrivez-lui à notre adresse nouveaudecameron@albiana.fr , nous lui transmettrons votre message !

    

  

 

 



[*] Jean-Claude Loueilh.

Nouveautés
Decameron 2020 - Le livre
Article ajouté à la liste de souhaits
Product added to compare.