Tiger-Lily Keyser ci offri a seguita di u so “Prughjetu puemi” natu in pettu à l’anima, tra l’amori e la morti.
Soffiu di vita
I to ochji cari
Vedenu cà amore
Ponu vede dulori
Ma tù si forte
Curagiu è putere
Ùn dimenticà mai
Vita efemera hè
Ùn t'inchietà risi
Ci ne serà
Andarrà megliu
Viderà
Mamma sempre tù
Serà …
—
Bellezza naturale
Festa senza fine
A to bon umore
Giocose, chì empie ogni core
Teni avà a maturità
Di a mità d’una vita
Piena di tenerezza
è d’amore infinita
—
Visi pieni di surrisi
Felicità in florisi…
Malanni è paure
Lasciati inde l’aure
Un tempu efemeru
Quant’è un ceru
Pè questa nuttata
O issa bella ghjurnata
Piena di ricordi
Da cuntà, invechjati…
—
U gigliu biancu
Da u rossu taccatu
Sangue temurosu
Da u verde giucosu
A vita in un suspiru
Da a pace di u turchinu
Trà e guerre di u Ventu
Da a luce di u lume giallu
Anima di un sole infinitu
—
Acellinu lascia u so nidu
Pè andà si ne, di e so propie ale
Pè quessu celu quallà infinitu
Hà peura, ma sà ch’ellu hè abbile
Ch’ellu ùn s’inchieta à da ingrandà
Vita l’aspetta, framezu l’arburi,
i niuli, surrisi è pienti. Bast’avà
Hè ora di campà senza timori.
—
Ballà sin’è u fà di notte
Canta quandu u sole s’arrizza
Ùn guarda nè lindumane
Chì ci deve campà avà
—
Tene a to parolla una siconda
Guarda in giru à tè
A tradizione si perde, in u ventu
U mondu s'apre è si chjode
Cum'è la to mente
Ùn hai paura, di u to vicinu
Fà ciò chì ti face piacè
Campa per quellu ch'ùn ci hè più...
~~~
Niulu grisgiu
Lascia passà
Un Luce di sole
Chì face nasce
Amore è cumpassione
Risi è surrisi
Ma rivene quantunque
Avemu bisognu
Di tè quandu ùn ci n'hè
Più acqua celesta
O turchinu maravigliosu
—
O mondu caru
ch'avemu fattu.
Tanti disgrazii è guai...
Dà ci e soluzioni
Chì ci simu persi
Nantu issu parcorsu
Di a vita... periculosa.
St'Omi mostri
Cacciate li puru,
O Natura putenta
Ùn aghja paura
—
Issu sole à da luce senza tè
Issa tarra à da cuntinuà à cresce
A muntagna poi attipà la
Croce, ne poi pusà la
I to pedi quì, passeranu
Mai ùn si arradicheranu
A mimoria ci serà
Ma a Tarra rifiuriscerà
—
Omu maestosu
Omi putenti
Stà à senti
Sò paurosu
Di ss’avvene
In periculu
Issu seculu
Da prevene
Ùn sì solu
Nant’à issa tarra
—
Un luore di culore rossu
Chì riscalda a tarra
Chì empie un locu di tarrore
Chì po sparghje u dulore
Ma scuperta d’una vita
Rigalu avvilinatu di a Natura
Lumera di u caminu
Purtatu da u ventu
Vai à fà ciò ch’è tù devi fà
Ma dopu andà ti ne, chì brusgia
tuttu à nant’à u to passaghju…
—
Issu mare chì m’hà fattu paura
Issu mare chì m’hà datu gioie
Oghje lu vecu lindu
Dumane u viderà inchietu
I delfini chì saltanu inde l’orizonte
I delfini chì ùn rivenganu più
A matina senza sole
A sera senza stelle
—
U core ghjilatu da u freddu,
di a vita, si riscalda à u focu.
Aspittendu i primi raggi di sole,
u ballu di tutte e farfalle.
L’apa tanta amata chì sparghje
u soffiu è u mele d’amore
Infine poi caccià a to cupertura
di a tristezza è l’aspittera
Sbuccieranu avà e fiore di questu
Veranu di u cambiamentu
~~~
Viaghja luntanu
è scopre u mondu
Senti u muscu
di a libertà.
Scambia cù l’altri,
và à perde ti
trà lochi è gusti
di l’altrò…
Andà ti ne ‘cu e to ale
sopra u mare
è sottu à e stelle.
Viaghja luntanu
Ùn t’inchietà ti vecu sempre
—
Quessa terra chì trimuleghja
Di issi risi è passi
Attraversu isse cità, dighjà
Apprupriati, à fà si
à novi modi è culture
Scambii in i tempi
Per è mimorie
è e storie, da stupì !
—
Trapassa e to limite, e fruntiere
Di u mondu sempre apertu
Ammirà e bellezze ind’è l’affortu
Peregrinà da isse strade è quartiere
—
Aghju amparatu à parlà
I mo pedi anu cuminciatu à marchjà
Per scopre questa vita quallà
È per andà al di là
Aghju amparatu di ride di tuttu
Parchì Vita po esse un abottu
Si perde ind'è l'ira, contr'à u rispettu
È ghjè per questu
Aghju amparatu à campà in serenità
Mille camini è strade da imprestà
~~~
Guarda, quallà attraversu i niuli
A libertà t’aspetta
Sicuru poi andà
Ùn t’inchietà saremu sempre quì
Ma pensi à me quandu sò sola
Cusì mi sentu cumu ind’è
i to abbracci ! Vai vai à
piglià a strada di e stelle
S’impazientanu quallà
Framezu l’anghjuli..
—
Ci sò quelli chì si perdenu
Soli à nant’à a strada di a vita
È lu Destinu li chjappanu,
Sott’a u so ale, cusì imprevista
Pudemu solu sperà
Chì sò ind’e mane
À chì si po cunfià
E so criaturelle
Per l’eternità
—
Issu sole lucichendu
D’amore è di gioa
Senza u to tremendu
A ghjente s’annoia
Abbagliulante murtale
Vita accidentale
Pè questa fiurita
Di una ghjuventù infinita
—
Quant’è no avemu paura
Di perde issa ghjente
Di listessa mente
Tante sciagura
Camini sfarenti presi
Ponu passà i mesi
Ma un amore infiniscevule
Chì trapassa tutte e limite
Amore, ùn ci ne simule
Mamma era è mamma sempre
serà
~~~
Mane ind’è a mane
Sine vanu ind’è a notte
Quallà luntanu
Sopra u mare quassù
E rundinelle si mischianu à u ventu
Cerchendu un novu paradisu
Cum’è a ghjente è l’amore
È si perdenu in u mondu di maraviglie
Quallà si custruiscenu sin’à a morte
Manu ind’è a manu
Anu triunfatu l’amore
Senza fine è senza ritornu…
—
Canta lu mio essare
Canta issu dulcissimu sonu
Manda mi isse lettare
Basta avà ‘ss’abbandonu
Vogliu cantà cun tè ind’è a vita
Vogliu esse accantu à tè
Aiò ti vecu quallà fà la finita
Paura, sentimentu abbagliulante
Canta lu mio essare
Canta issu dulcissimu sonu
Manda mi isse lettare
Basta avà ‘ss’abbandonu
Segni cusì indefiniscevuli
Parolle perse ind’è u ventu
Trà i risi, i mughji è i niuli
Mi lasci cum’è squentu
Canta lu mio essare
Canta issu dulcissimu sonu
Manda mi isse lettare
Basta avà ‘ss’abbandonu
—
Sintimu di felicità
Surrisi scappati
Pienti dulurosi
Pena immensa
À quantu tù teni l’unu à l’altru, muvimenti di devuzione
Maccà, assufucà è stringhje u so core di suffarenze
Omogenità di duie anime, tenerezza è passione
Romanza grottesca, fiaccata, fatta di bugie
Eri cum’è per dumane hè essenziale
—
Quandu fighjuleghja à l’orizonte
Vecu tutte le mio stonde
Passati cun tè è l’altri
È mi vene i surrisi…
Senti u muscu di u ricordu
Quellu d’eri, d’oghje è di dumane
Senti a libertà è u so soffiu
Chì prove, senza male di batte e so ale.
Chjodi l’ochji una siconda
È ascolta u rimore di u mare quallà
Dopu rivene ind’è i mo bracci
È stà per l’infinitu… quì
—
S'ella fussi detta questa vindetta
Ùn ci saremu mai incontrati
Mi ricordu di questa canzunetta
Chì mi tenia a menti
L'angoscia di u dulore
Anu francatu issu dolu
Pè fà nasce iss'amore
Ùn steria mai solu
Viulenza hè stata
Amore hà triunfata
—
Una zitella chì pensa esse di l’età
Ma innò, in fatti voli sempre ghjucà
T’inchietà, ti vecu quallà di l’altra banda
U mo sguardu si trascina framezu a sala
Pè infine scopri i to ochji chjari
Lucichendi di Gioia è di dulori
Senti, a mo vulintà di ballà
Cun tè ind’è a vita
—
Ingrandata si, vogliu esse cun tè
Seguita mi, nant’à issa strada
Ùn mi vecu micca senza tè
Inde una vita incantata
—
Chjodi l’ochji, addurmenta ti nantu à mo spalla
Stai prutetta da lu mio essare
Stai accantu à me ind’è issa casella.
Senti issu dulcissimu sonu ch’ellu hè u mare
Posa u to sguardu in i mio ochji
Guarda st’amore
Posa ti accantu à me
Stai quì, ùn mi lasci
—
Senti u mo core chì batte in pettu
Cum’è un’armata chì corre in campu
Senti a mo voce chì trimuleghja
Cum’è a tarra in tarramossa
Senti a mo manu chì sguilla trà i to diti
Cum’è un pesciu in i mari
Ùn possu più tene
E retine di a vita
—
Passa a to mane, in i mo capelli
Sussurà mi à l’arechja issi parulli
Ricunfurta mi
U me core è i so ritimi
Allegri è angosciati
Ma cusì matti
Per issu sintimentu
Dettu interdettu
—
Un’amore cusì indefinscevule
Un sintimentu chì rende cecu
Chì pò ancu esse murtale
Ùn a sò quantu tengu
Per tè, tante riflessione
Era per me una passione
Chi quantu un ceru
S’hà da sfonde in u tempu
Ti tengu caru
—
Mi seguita, ti sfughje
T’aghju seguitatu, m’ai sfughjitu
Allora mi so persa
Per quessu chjassu
Periculosu è fucosu
Chì mi dà felicità
Eccu ti la, chì ti vecu quallà
Sempre sicretu in daretu
Eri hè troppu tardi
Oghje hè cusì ghjuntu
Parchì ciò chì hà da passà
Nimu a sà…
~~~
Sentite issu cantu di l’acelli
chì vi piglia à mente
Senti issu sentimente
cum’è farfalle in corpu
Senti d’induve vene issa gioia
saria forse d’amore è d’amicizia
—
Issu silenziu ind'è l'alba
Issu sonu di l'apa
Chì vole framezu à a ghjente
Quesse parolle à mente
Risi è pienti sì sparghjanu
Un uchjata à issu screnu
Di ricordi è minutezza da assanà...
Una famiglia u tempu di una simana
—
Tempu di festa
Mumentu d'amore
Per dimenticà
è fughje u male
Amicizia è famiglia
Tutti inseme
Quì o quallà
Tante meraviglie
Solu una volta
Crede in a fede
Sustegnu è aiuta
—
Ch’è tù sì vicina
O luntana
Sì sempre
À fiancu à me
Per certi risi
Issi tempi
Difficiuli
Sfilanu i mesi
Di furtuna
È d’amicizia
—
Per issi mumenti quì
Di gioia, di risi, di vita
Cum’è una fola incantata
Mansa di ghjente magichi
Anni è anni aspettanu
Per sparte inseme
Ricordi chì contanu
Di più in u nostru reame
—
Spartera fraterna
Tempu di Gioia
Amore infeniscevuli
Prendi a mane
Per andà versu l'onde spapersi
—
Surella d’un antra mamma
Camini intricciati
Storie simule
Di listessa brama
Piulelli persi à nantu a strada
D’un avene insicuru
Si ritrovanu sempre in u nidu
Per vede di più chjaru
Parchì inseme ci andemu
Di più luntanu
Mentre u dulore
Vince l’amore
Amica ci si tù
~~~
T’aghju sunniatu
M’ai arruinatu
T’aghju vistu
M’ai pestu
Stu dubbitu chì rode
Isse pinsate
Ss’infrasate
Chì m’anu fattu male
Ai presu ciò ch’è ama
L’ai abbacciacati
L’ai indiavulati
Ai vintu O Infedeltà
—
Senti i mughji è i pienti
E chjame di libertà
E chjame di gioia
Volenu esse libari
Anu pruvatu di fughje
Ma u destinu l’anu chjappu
Anu pruvatu di corre
Sò stati riclusu da u dolu
Bramanu sempre l’altrò
In ricerca di una mane
In ricerca di una pace
Ùn chjudite l’ochji aiò
Sò è simu tutti zitelli
Chì volenu ingrandà
Sò è simu tutti umani
Ùn devenu più patà
—
Un mondu senza sensu
Un mondu à l’addisperu
Mancu ùn ci dà una manu
Sinu à cascà nant’à u capu…
Ma, tù sì u solu, u veru, u meu.
Sai ciò chì subisce ogni ghjornu
A notte ciumbu ind’è u to spiritu
Sin’à diventà qualchissia d’altru.
S’è u solu à pudè fà mi dimenticà u
Me cutidianu. Sia a mo gioia O Alcolu
—
Stò quì cusì muta
Muta per chì
Per custì
Per parè incantata
Per issa ghjente
Stà ne cuntente
Sò eiu chì soffre
Ùn lasciu sonu
Di e mo labre
Mi perdonu
Vogliu cuntà a to storia
Curagiu ùn ne aghju
Paurosa seraghju
Ma lacrime ci ne saria
—
Sta neve chì fala
à nantu à Corsica
D’inguernu cum’è d’estate
Per quessa nuttata
Una neve inzucherata
Diventanu principe
Ma infatti
Sò schiavi
Di a morte
È di l’ore
—
Un tufone tamantu chì nimu ùn pò tuppà
Ch’e provu à bellu megliu da riempià
Pruvuchendu timpeste è rufuloni
Pigliendu una mansa d’emuzioni
Per un mumentu cusì cortu
In un tempu infinitu
Quandu
ai da amparà
à rifiatà
—
Faci i passa è veni
Mi stringhje u core
O mi pisa e labbre
Sempre in florisi
À l’alba di a notte
Sò u to schjavu mì
Pinseri esce mi di quì
Ch’è vogliu dorme
—
Un ansciu angosciatu
Una pena in pettu
Un sonu stridente
Un’ira imminente
Purtate da isse lacrime
Per un mumentu d’abbacinime
Persu inde iss’amore
Paurosu d’avè sciagure
Pour lire d'autres textes de l'auteure
