Combien nos vies ont changé… !! Una puesia colma di filusufia di James Stuart
A nostra vita
Or’ si ne passanu quì l’anni
Chì ghjé cusì a nostra vita
È ci toccanu ‘ssi malanni
S’ ell’ hè sippuru imbispita
Cume per tanti paisani
Senza godesila cumpjita.
Dendune cabbu cù primura
Ognunu si deve pensacci
Perche sebbiati di natura
Si ne discioglie tanti lacci
È parechje volte s’ella dura
Li si pò fànn’ u stacci stacci.
Di sentesi bell’ imbigliatu
Probiu nisunu si ne franca
Chì per di più pur’ affannatu
Di quellu laziu nun pò manca
Magaru ind’u suminatu
Cù la so’ stizza pe’ trabuccà.
O ! quante stonde à caninu
Castigati è à più vulè
Ne seria un bon’ destinu
Di pudè curàssi da per sè
Campendune à cristianinu
Bellu più spessu po’ cù piacè.
S’ell’ ùn c’ hè che poga pazienza
Ma pe’ scumpetene cumu fà ?
Pur’ di cresce cu ‘ssa crianza
Si oghje tempu più nimu sà
Quand’ ell’ ùn ci n’hè ‘ssa timenza
Incu l’ ànima chì si ne và.
Pe’ un fanne cume li vecchji
Tra di ‘ssu mondu à straziera
Ùn ci ne serà bon’ parechji
Di nott’ è ghjornu in galera
Chì avà soga li tratechji
Imbrattanu cu ‘ssa manera.
James Stuart
Avis aux lecteurs
Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?
Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message !
