Cathy Campana - Tempu d’elezzione, dopu à u siscu


Les élections suscitent tant de passion qu’elles finissent par faire oublier les dangers… Una puesia di Cathy Campana.

  

  

Tempu d’elezzione, dopu à u siscu

Eramu guasi per more
Chjos’in casa spaventati
Ma sò rivultate l’ore
Quelle di issi passiunati
Ch’ùn sentenu batticore
Chè pà li so candidati

U siscu avia impeditu
Di finisce l’elezzione
Ognunu impauritu
S’impipò di selezzione
Cumbattimentu svanitu
Addiu pulitic’azzione

Ma l’omu hè cusì fattu   
Si scorda di u passatu
Eri à domu ciattu ciattu
Eccul’ avà tracambiatu
Nasce in furia u barattu
Da morente à affiliatu

Tandu li puliticanti
Si spartenu belli posti
Micca sempre eleganti
Bocca à bocca li opposti
In goffi conti mercanti
À periculu esposti.

(Maghju 2020)

Retrouvez d'autres textes de l'auteur :

Renée

Ritratti

    

    

Nouveautés
Decameron 2020 - Le livre
Article ajouté à la liste de souhaits