Cathy Campana ci invita à ascultà a « pinucchja di più » à Natura
A lezziò di a Natura
Ascoltate a Natura
Chì v’hà datu un segnu forte
D’ella appiete primura
O vi chjuderà e porte
Aiò cambiate andatura
Scunghjurate a Malasorte
Affrinate a destruzzione
Vergugnosa di l’ambiente
Ch’ella cumenci l’azzione
In stu mondu decadente
Ùn fate più astrazzione
Di la fine imminente
Po’ lasciate l’animali
Salvatichi in libertà
Sò vettori naturali
Chì vi ponu impestà
Amparà à rispetali
Sia la vostra volontà
U clima in cambiamentu
Toglie tuttu u benistà
Cù calore in crescimentu
Ci hè urgenza di luttà
S’ellu dura stu scumpientu
U puzzicheghju crescerà
Pigliemu appelamanu
Tuttu u Vivu pà carità
Ritrovemu u stintu arcanu
Da preservà l’umanità
Ognunu diventi tercanu
D’armunia è felicità.
Pour lire d'autres textes de l'auteure
Tempu d’elezzione, dopu à u siscu
