[ Écrire pour JP Santini ] Petru-Ghjuvanni Susini - A Ghjente

Jean-Pierre Santini, l’écrivain-éditeur est emprisonné depuis le 10 octobre sous le régime de la détention « préventive ». Contre l’arbitraire et pour servir de chambre d’écho à l’émotion partagée par de très nombreux auteurs de Corse ou d’ailleurs, Le Nouveau Décaméron ouvre ses colonnes.

U 6 di nuvembre 2020,

Per Ghjuvan-Petru Santini , incù lu mio salutu fraternu, è tenite forte.                                   

Quandu fecia u mio mistieru d’assistante suciale, aghju scuntratu unepoche di persone ; certe avianu assai difficultà in a so vita.  Tandu, c’era tantu umanità in sti cuntatti chì era ancu cummossu.

Pinsendu à tutta sta brava ghjente, aghju scrittu ch’ùn hè tantu, una puesia.

        A  ghjente     

À la ghjente di ssi lochi                    

Si tù n’apri i to ochji             

Si tù n'apri u to core        

Non cerc' à falli onore       

Daret' à sti purtelli        

Sàpia chì li gioelli        

So piatt'ind’e parole       

Chì parenu curolle       

          Riluce poche cose           

          Ma u lume hè maestosu    

Richezza di l'umanu.         

Chì me tende a manu      

È po’ st'anima fiera          

Ch'eiu sentu sincera         

Le stonde affanose         

Vultenu à la ritrosa       

Quandi l'umanità          

Piglia st'identità            

    Nisuna aria maligna                          

   Pò rompe st'armunia  

   À la ghjente di sta terra      

   Ascolta à so manera          

   Di cantà la so storia          

   Di mentene a memoria      

                  Chì d’u passatu vene                

                  A traccia di l'avvene           

Lugliu di 2019                          

Avis aux lecteurs