Gaston Pietri ch’ùn avia mai scrittu in corsu, ma chì piglia a penna cun gran piacè ci conta l’impurtanza di a parabola di u pastore chì cunnosce u nome di tutti i so pecuri !
Una parabola
Ùn sapè scrive in corsu… Qualcosa, ùn a credenu micca. Avè parlatu corsu fin’à dodeci anni è ùn sapellu scrive ! L’età hè venuta per cumincià, avanti ch’ell’ùn si possa più scrive ne parlà.
Cume aghju à fà ? U sopra sarà sottu. È u sottu sarà sopra… Piglià parole francese, è scrive in corsu ? Se a sapessi fà !
Aghju lettu dece, vinti o centu volte unu di ssi scritti da a Bibbia chì si chjamenu « paraboles ». S’hè passata una cosa di sopr’à sottu è di sottu sopra. A miò mimoria m’ha messu davant’à l’ochji una bella banda di pecure nant’à u stradellu di Caprunale venendu di e piaghje di Balagna è riturnandu versu e friscure di u Niolu per l’istadina. Sentu u pastore, hè cume davanti à i miò ochji, chjamà u so bestiame cum’e si chjama una famiglia, in fattu i zitelli unu dopu l’altru. A « parabole », l’aghju capita cum’e se ùn l’avia mai letta, mai intesa spiegà. In francese, in u Vangelu di San Ghjuvani, Ghjesù dice : « Je les fais sortir une à une. Je les appelle chacune par son nom ». Maraviglia che u miò nome, quellu di tanti è tanti, u Signore possa dillu cume se sta persona era sola in u mondu. È eghju in u mezzu.
S’ella sapessi ‘ssu pastore di a culata di Caprunale ! È tant’altri, senza nunda di u sapè fà d’u pastore, chì à l’intesa di u nome, si diciaranu : « Anch’eu sò chjamatu quant’hè chjamatu un grande sapiente, u presidente d’un grandissimu paese. Esistu anch’eu ».
U più altu hè cusì vicinu di u più che chjugu. Eccu a maraviglia. Se u mondu vulìa che cusì si tratavanu l’umani. Ricchi è poveri, chjughi è grandi, sarienu cuntenti d’incuntrà un umanu cum’e si trova un tesoru.
Gaston Pietri
Avis aux lecteurs
Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?
Entamez un dialogue : écrivez-lui à notre adresse nouveaudecameron@albiana.fr , nous lui transmettrons votre message !
