Guidu Benigni - Corona virus

    

U virus maledettu… in cinqui vucale ! Un puema di Guidu Benigni

  

Corona virus

    

A - 

Dui è mila è vinti, o pessima annata.

Venuta da China induve ella hè nata

issa pesta nera detta Curunata.

  

È - 

Hà dettu una sera u Sgiò Presidente 

ch’è n’eramu in guerra à tutta la ghjente 

è di stassi in casa è d’ùn fassi sente.

  

I - 

Ci mettimu in prigiò, ci tenimu ciatti

chè fussimu à dorme o siamu piatti,

chè fussimu topi, chè fussimu ghjatti.

  

O -

Cunfinati è belli ne simu in prigiò.

Chè fussimu leni, chè fussimu sgiò,

Avessimu tortu o puru ragiò.

  

U -

Cridite mi puru cum’è vi la dicu : 

d’ella ùn si n’hè vistu nemenu u billicu, 

una cosa hè certa : hè veru nimicu.

  

Finisceremu quì tuttu stu rimale 

chì hè troppu longa sterpa cunsunale.

Basteranu oghje e cinque vucale.

  

  

Avis aux lecteurs

Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?

Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message !

 

 

Nouveautés
Decameron 2020 - Le livre
Articles les plus consultés
Article ajouté à la liste de souhaits
Product added to compare.