Dumenicu Bighelli - Omi di l’ombra

Dumenicu Bighelli ramenta un episodiu di a Resistenza in u so rughjonu di Pitretu è Bicchisgià. Pa ùn isminticà micca u sacrifiziu di l’omi di l’ombra…

 

 

Omi di l’ombra

 

Nella notte trà i frondi

Luna  piatta, à passu lestu,

Senza firmà dui stondi,

Ani da passà l’arestu.

 

U numicu hè numarosu

Bisogn’à purtà lu via

Ѐ di mett’ à lu ritrosu

U stintu di barbaria.

 

Dui colpi di pistola

Ani svigliat’u circondu

Sὸ cascati per tè sola

Umanità di ‘ssu mondu.

 

Centu fior’anu sbucciatu

Sott’à nevi di l’invernu

A ghjuvantù ha brusgiatu

I ritrati di l’infernu.

 

Stani vivi in mimoria

Ani lasciat’a bandera

Hè sicura a vittoria

A vittoria chì si spera.

 

So cascati cùn sperenza

Chì noi altri, pà campà

Ùn scurdaremu RISISTENZA

Via di a libertà.

  

  

Article ajouté à la liste de souhaits
Product added to compare.

Le site Albiana.fr utilise des cookies pour la gestion de votre compte client et suivre l'audience (sans suivi individuel).