A pena di Julie Leidier hè comu un pinneddu… va, volta, gira è subitu si vedi è si senti i sintimi di a so anima allegra.
Amica fida
Pà un attimu, a piuma
hà rimpiazzatu u pineddu
U tempu ùn mi cunsuma
Hè solu da par eddu.
Inchjostru, carta
è l'anima camina
senza pinsacci o idea furzata
Hè a vulintà chì si sprima.
Chì ghjè a mecanica ?
Cumu si passa u prucessu ?
Sprissioni guasgi magica
Induva pocu imprema u successu.
Ah ! S'eddi puddiani parlà,
sta traccia, sta linea, st'arnesi
Avarani da dì d'ùn strurzulà
d'apprufittà di sti mumenti appesi.
Hè vera chì di manera ghjenerali
ci hè tuttu chì splosa
I lettari, di modu principali,
riffletani una fini ambiziosa.
Induva ti metti ? Mi dumandeti
Una tolla ? Un scagnu ? Un sidinu ?
Nunda, vi ringraziu solamenti i me carnetti
u filu di a criazioni ùn hè mischinu.
À tempu fistosa, appinzata è seria
culurita hè a me pinnuccia
si vesta è diventa materia
cusì hè a so vituccia.
Fatta a conta, s'assumidda monda
à stu cumpagnu fidu, chjamatu pineddu
facini volt'è gira è voga tonda
Parlendu di i me mondi à riturneddu.
Hè difficiuli di lascialla andà
criazioni compia, rilazioni fatta
vulariu finalmenti curà
stu strumentu, sta penna, ch'edda mi fermi appiccigata !
A rivilazioni hè quista quì
Mi sentu cumpletta quandu a piddu torna.
Cumpania d'un'amica fida, chì
Imbelliscia a vita, l'orna.
u 21 d'Aprili di u 2023
Ce texte répond à l’une des propositions de l’atelier d’écriture de Racines de Ciel. Le thème de l’édition 2023 était « les réécritures », soulignant le lien entre lecture et écriture. Les propositions s’appuyaient sur des textes de Sheila Watt-Cloutier (Le droit au froid), Albert Cohen (Le Livre de ma mère), Antoine Ciosi (Peut-être qu’un jour), Baudelaire (La Chevelure).
Avis aux lecteurs
Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?
Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message !
