Guidu Benigni, cù una cria di malincunia, lagna ‘ssu mondu novu, spentu...
Spentu è pientu
Ghjente spenta è mondu pienghje.
Ùn si basgia più nemenu parenti,
nè strinte di mane, nè motti ardenti.
Di silenziu e strade sò pregne
è ùn si sente un zittu in paese.
Chjose cunfine dapoi un mese.
U tempu fughje è l’ora passa
ma nunda mai u male squassa.
Ferita, offesa, la nostra sorte
ùn hè capace d’apre le porte
d’isse carcere senza muraglie.
À core frantu in le tenaglie
d’una epidemia chì senza pietà
ci tene privi di nuturietà.
Ghjente spenta è mondu pienghje.
Guidu Benigni,
Campu Vallinu, ghjennaghju 2020
Avis aux lecteurs
Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?
Entamez un dialogue : écrivez-lui à notre adresse nouveaudecameron@albiana.fr , nous lui transmettrons votre message !
