À l’uccasione di a nascita d’un masciettu, Ciuciarella si mutò in Ciucciarellu ! Una canzona di Cathy Campana.
Ciucciarellu
O ciucciarellu
Nun sai quantu t’adoru
U mo ghjuvellu
O bramatu tesoru
Ciucciarellu furtunatu
D’esse di Campana natu
Fà la ninna fà la nanna
Sì per noi vera manna
Purfigliulinu
Richezza di famiglia
Dolce bambinu
Oghje femu l’inviglia
Annu ti sì affacatu
Marc’Antò t’emu chjamatu
Fà la ninna fà la nanna
Sì per noi vera manna
U cignalone
L’aghju lasciatu corre
U to babbone
Ùn hè più cacciatore
Avà pò campà sebbiatu
Da mè ùn serà ghjustratu
Fà la ninna fà la nanna
Sì per noi vera manna
Tù u maiolu
D’un ceppu di Canale
Un paisolu
Locucciu ideale
Cù ricordi inariulati
In memoria preservati
Fà la ninna fà la nanna
Sì per noi vera manna
T’insegneraghju
E mo vechje canzone
U mulinaghju
È ancu Filicone
Frà quatru generazione
À bocca la tradizione
Fà la ninna fà la nanna
Sì per noi vera manna.
Avis aux lecteurs
Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?
Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message !
