Trist’epica quandu ùn si sà quandu veranu venerà… da Guidu Benigni
Veranu
Veranu venerà ? Venerà veranu ?
Perchè stà luntanu ? luntanu da noi,
persu in le nebbie d’issu mondu stranu.
Eppuru verdiscenu in valdu li foi.
Perchè chì Veranu di vene ùn hà laziu
à truvà la ghjente chi pienghje è si lagna,
è lenta lamenti da empie stu spaziu
vestutu di neru è d’una ombra pagna.
Finitu lu tempu di canti è risate.
Sparite le gioie, perdute le feste.
Sugnunu s’affosca in le so pensate
è di tristu pannu di dolu si veste.
Or ùn ci resta più chè poca speranza.
Furtuna n’avemu sempre una cria,
tenuta secreta in piccula stanza
di la nostra mente, à casu scarsia.
Veranu venerà ? Venerà veranu ?
Si senterà sunà di ghittare è viole
è impruvisate, ne riveneranu ?
Vi rispunderaghju : « Sè CoviDIU vole ! »
Avis aux lecteurs
Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?
Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message !
