Guidu Benigni - U gnognu

   

Guidu Benigni ci manda una puesia piena di filusufia, à pinuchja bughja…

 

 

U gnognu

 

Omu  ùn si pò più fà mottu,

ùn si basgia più nisunu,

ancu l’abbracciu s’hè rottu

è surtitu di cumunu.

U coronà vincidore

hà suminatu terrore.

 

Ognun’in casa stà chjosu,

sarrendu port’è purtelli,

in penseri è dubbitosu

d’ùn avvicinà zitelli

è nè puru u so vicinu

cù u so gnognu assassinu.

 

S’ella trica torna un annu

questa brutta casticata

hà da perdurà lu dannu

d’una sucietà malata

è dopu d’esse rimiti

resteremu ancu scimiti.

  

  

Avis aux lecteurs

Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?

Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message !

Article ajouté à la liste de souhaits
Product added to compare.