Ghjuvanni Dal Colletto - Rinasce lu veranu

  

Infine rinasce lu Veranu ! Una puesia di Ghjuvanni  Dal  Colletto.

 

 

Rinasce lu veranu

   

Di cardelline alegre u mio chjaràsgiu canta

Di i so fiori sbucciati u so prufume incanta

Di e so perle di guazza a frasca luccicheghja

À l’arietta di l’alba a fronda trimuleghja

                                    In l’ortu chì si svèglia,  rinasce lu veranu

 

In lu chjassu fiuritu ballichja la capretta

Un merlu si scannella appress’à a so merletta

À mez’à u lamaghjone si prepara lu nidu

Ind’è l’ària si sente chì l’inguernu hè finitu

                                   In l’ortu chì si svèglia, ci rinasce la vita

 

In la casuccia aperta si spegne lu caminu

In l’ochji di e zitelle s’accende issu lumignu

Chì face spimpillà u ràgiu di lu sole

È mette à li zitelli u core à lu purtone

                                  In l’ortu chì si svèglia,  ci rinasce l’amore 

 

 

Marzu di u 2019

 

 

Avis aux lecteurs

Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?

Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message ! 

Nouveautés
Decameron 2020 - Le livre
Article ajouté à la liste de souhaits