Ghjuvanni Dal Colletto - U Primu Sguardu / Felicità

     

Una storia d’amore è di distinu, due puesie, sott’à a penna cummossa è maravigliata di Ghjuvanni Dal Colletto.

 

 

U Primu sguardu

  

  

Ellu era di passàgiu

Si sò scontri à un omàgiu

U sguardu ch’elli scambionu

I fulminò cum’è u tonu

Ella capì ch’ellu sperava

Ma chì u tempu li mancava

 

Più cà ella ùn guardava

À mez’à tutti a circava

Ellu capì chì à l’avvene

Era custrettu à rivene

È chì riposu ùn averia

Fintantu ch’ùn la videria

 

Di chitassi fù cusì dura

Ch’ell’ùn si taci la primura

Sfarente funu le so strade

C’eranu tante cose à pate

Ma ognunu in lu so cantu

Ùn si scurdò d’u stranu incantu

 

A fiara chì spampillulava

In li so cori si firmava

Mai funu à l’addisperu

È lu ricordu è lu penseru

Una sera si ritruvonu

È mai più ùn si cappionu

  

16 d’agostu di u 2020

 

 

FELICITÀ

 

Oghje trè anni sò passati

È mai  ùn si sò spiccati

A vita à dui  gira tonda

È dolce sguille cum’è l’onda

 

È senza ella ùn pò stà

A cerca sinu à frustà

I so occhji imbarullati

D’esse cusì inamurati

Cun ella campa in complice

È ogni stonda l’hè felice

Ancu s’ell’hè banalità

Ne gode cù felicità

Ùn si pò mancu imaginà

Ch’ellu pudissi illuminà 

‘Sse ghjurnate longhe à passà

Senz’u so visu ch’ùn pò sguassà 

È si rammenta u primu sguardu

Ch’elli scambionu per azardu 

Trè anni fà in ‘ssa cità

Ind’ùn divia mai andà

U primu di settembre di u 2020 

  

  

Avis aux lecteurs

Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?

Entamez un dialogue : écrivez-lui à notre adresse nouveaudecameron@albiana.fr, nous lui transmettrons votre message !

  

  

Nouveautés
Decameron 2020 - Le livre
Articles les plus consultés
Article ajouté à la liste de souhaits
Product added to compare.