Quassù - Cathy Campana

  

« Un testu scrittu sti pochi ghjorni, per rende umaggiu à i nostri paesi, lochi di rifugiu in sti tempi di pandemia, cum'elli sò sempre stati in tutti i tempi di periculu mortale ! »

 

Quassù

 

In tempu di pandemia 

Ferma un locu sicuru

Duve regna l'armonia

Diventata oru puru

Sparisce a picondria

Torna u celu azuru

 

Stu veculu muntagnolu

Di cumbugliu preservatu 

Un gentile paisolu

Riccu di lu so passatu

Ci quirritta Rusignolu come quì

Ùn pò cantà ingabbiatu

 

U male pare fughjitu

L'addisperu di surtita

Sottu à lu sole fiuritu

Corre tranquilla a vita

Un esiliu assentitu

Chì guarisce a ferita

 

Ripigliemucci d'affettu 

Per stu spaziu in altezza

L'ultimu à esse schjettu

Senza contà a bellezza

O pateremu rigrettu

S'o manchemu

d'astudezza

      

U soldu hè senza effettu

Ùn si compra issa dolcezza

Conta solu u rispettu 

Colmu di delicatezza 

Allora lu core in pettu

Trimuleghja d’allegrezza.

 

novembre 2020

  

Avis aux lecteurs

Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?

Entamez un dialogue : écrivez-lui à notre adresse nouveaudecameron@albiana.fr , nous lui transmettrons votre message !

 

Nouveautés
Decameron 2020 - Le livre
Article ajouté à la liste de souhaits
Product added to compare.