[Écrire pour Santini] Literatura è putere – Ghjacumu Fusina

  

Jean-Pierre Santini, l’écrivain-éditeur est emprisonné depuis le 10 octobre sous le régime de la détention « préventive ». Contre l’arbitraire et pour servir de chambre d’écho à l’émotion partagée par de très nombreux auteurs de Corse ou d’ailleurs, Le Nouveau Décaméron ouvre ses colonnes.

  

  

Literatura è putere

  

S’hè intesu parlà stu pocu nant’à a rete suciale di u casu d’un autore è dinù editore, chì hè statu lampatu in prigiò à Fresnes per mutivi detti pulitichi. U cunnoscu da parechji anni : hè un istitutore capicursinu in ritirata chì scrive è face edità uni pochi d’autori lucali, intrattenendu in giru à isse attività edituriali una animazione culturale ricunnisciuta da tutti è benefica ben intesa.

    

Ch’ellu fussi persuasu ellu da l’idee d’indipendenza di a Corsica, quessa dinù parechji a sanu è d’altronde ne parla ellu stessu, senza piattassi, nantu à parechje di e so publicazioni. L’affari d’ideulugia quant’è quelli di a literatura entrenu naturalmente in e pussibilitai di pensamentu liberu di tuttognunu, senza ch’elli possanu esse cuntestati da u putere, o allora s’impedisce senza altru a libertà di spressione !

   

Invece li sò rimpruverate azzioni di terrurisimu attivu ch’ellu nega : allora tandu, ùn bastava à cunvucallu è à interrugallu sopr’à piazza è lascià fà d’issa manera l’inchiesta di pulizza è quella di a ghjustizia ? Cusì pensanu l’omi sensati. Valerà a pena d’imprigiunà luntanu da l’isula, in prevenzione, un omu di 76 anni chì, da l’addisperu, s’hè messu in greva di a fame ?

  

Saria ora di capilla in locu di putere. O ne seremu sempre à issa cunfusione malavviata trà l’idee è i fatti, trà a literatura è a malfatta cuncreta, cum’è à certi tempi passati di trista memoria ?                                                                   

   

   

 Avis aux lecteurs

Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?

Entamez un dialogue : écrivez-lui à notre adresse nouveaudecameron@albiana.fr , nous lui transmettrons votre message !

  

  

                                                                               

                                                                               

Article ajouté à la liste de souhaits
Product added to compare.

Le site Albiana.fr utilise des cookies pour la gestion de votre compte client et suivre l'audience (sans suivi individuel).