Trè canzoni / Cunsumu, Sbarcata è Nanna mondu - Jérôme Casalonga

Cunsumu, Sbarcata è Nanna mondu, trè canzoni di circunstanza mandati da Pigna da Jérôme Casalonga... Scritti in tempi chì nimu ascultava l’artisti.

    

Cunsumu

 

Am’à more guasi tutti

Techju di grassu è di lussu

Da lu cancaru imbuffati

U ciarbellu straminutu

Senza rimorsu cantatu

Quant’è  lu sordu è lu mutu

Pensendu à i nostri fatti

Sin’ à l’ultimu sputu

 

Di ricchezza mal’ venuta

È di farri cundanati

Corsa scema appress’à nulla

Agrancati cum’è topi

Criendu di fà furtuna

Di li rughjoni guastati

Lasceremu à l’andatura

zitellini sempre corci 

                                              Canta canta tu chi sì

                                              L’amicacciu chi sa dì

                                              Spiegacci lu to parè

                                              E sparghji lu to sapè

 

                                              Dali e torna a facci rie

                                              Ascultemu e to pazzie

                                              Chi di sbilicassi onore

                                              Tuttu u mondu à d’ogni ore

 

Cunsumà cunsuma tuttu

Tira tira tira è fuma

Chi so bistecche è vula

Ùn ti resterà piu nulla

Ghjetta è lampa la to roba

Inganendu la to tarra

tambate saetta è toni

Tutt’ognunu addisperà

 

Eccu li ringrazi

À lu sempiternu passu

Eccu li fracassi

Tanta manghjaria è tazzu

Ti si pare d’esse un omu

È mai di manghjà lazzu

Criendu di fà l’amore

Ghjugendu à picculu mazzu

 

                                              Conta conta ci la storia

                                              Che n’ùn perdimu a memoria

                                              Fola è filusufia

                                              Bon prò à noi cì fia

 

                                              Vai è scopre è trova l’arte

                                              Di campa è pò di sparte

                                              Tornaci schiettu è sanu

                                              A cacciaci d’ogni dannu

 

 

Sbarcata

 

Di matina si sbarcata

D'un paese quì vicinu

 

Nisun omu t'aspitava

Nun avii piu à nimu

 

Lu to mughju diventava

Di tutta miseria l'innu

                ----

Oramai si crisciuta

Cumu un segnu di destinu

 

Lu to corpu di bellezza

Scioltu è spars' à lu marinu

 

Ci à lasciatu di cuscenza

Stu lamentu pellegrinu

               ----

Oghje dumane è per sempre

Loderemu la to vita

 

Vergugnosi è ripentiti

Corci di virtù smarita

 

Stu viaghju ultima storia

Cantarà di petra scritta

 

 

Jérôme Casalonga
U 2 d’aprile 2016

 

 

 Nanna mondu

 

Sta matina à l’alzata

Front’à me c’era lu Mondu

È pò n’altra matinata

Più che torbu à ribombu

À d’ogni stonda passata

Eiò mi campu o mi ci tombu

 

Stu mondu l’aghju campatu

À l’ora che tù nascesti

Mondu novu agalabatu

Mondu novu à li mio gesti

Tu d’à me tantu speratu

Grand’ onore tù mi festi

 

Mondu meiu dormi dormi

Dormi sin’à l’indumane

Scuprarei li culori

È lu gustu di lu pane

È sarà per li to occhji

Mondu novu à rifane

 

Dormi lu mio novu mondu

È tù donna di sta tarra

Diventata giramondu

Considerata più cara

Cantali lu vagabondu

ch’a so vita ùn sia amara

 

Stu ghjornu nati à a luce

Voi tutt’omi sminticoni

Fate tuttu per distruce

O fà cresce che stupponi

À cumprà vende e pruduce

Si diventa sumeroni 

 

Hè venuta la crianza

Di riluce ogni stella

Lu ci nasci una danza

E fà balla ciucciarella

C’impieremu più a panza

Per fà campà tù zitella

 

Mondu meiu dormi dormi

Dormi sin’à l’indumane

Scuprarei li culori

È lu gustu di lu pane

È sarà per li to occhji

Mondu novu à rifane

  

Dormi lu mio novu mondu

E tù donna di sta tarra

Diventata giramondu

Considerata piu cara

Cantali lu vagabondu

ch’a so vita un sia amara

   

Jérôme Casalonga
De Guarda a Arcos de Valdevez
Portugao
20 / 12/ 2019

 

 

Nanna mondu

 

Ce matin au lever

Devant moi était le monde

Et une autre matinée

C’était les troubles en échos

Et chaque instant passé

Je m’en régale ou m’y use

 

Ce monde je l’ai vécu

À l’heure où tu naissais

Nouveau monde ingénieux

Nouveau monde à mes gestes

Toi tant espéré

Tu me fis cet honneur

 

         Monde à moi dors, dors,

         Dors jusqu’a demain

         Tu découvriras les couleurs

         Et la saveur du pain

         Et a tes yeux

         Un monde neuf renouvelé

 

         Dors mon nouveau monde

         Et vous femme de cette terre

         Devenue voyageuse

         Considérée la plus chère

         Chantez-lui le vagabond

         Qu’il ne soit pas amer

 

Ce jour né à la lumière

Vous les hommes amnésiques

Maintenant vous détruisez

Et ne produisez qu’hybrides

Vous vendez et consumez

À en devenir bourriques

 

Le temps est venu

De rallumer les étoiles

Et que naisse une danse

Pour les bals adolescents

Nous ne remplirons plus nos panses

Pour que grandissent les enfants

 

         Monde à moi dors dors

         Dors jusqu’a demain

         Tu découvriras les couleurs

         Et la saveur du pain

         Et à tes yeux

         Un monde neuf renouvelé

 

         Dors mon nouveau monde

         Et vous femme de cette terre

         Devenue voyageuse

         Considérée la plus chère

         Chantez-lui le vagabond

         Qu’il ne soit pas amer

   

   

Avis aux lecteurs
Un texte vous a plu, il a suscité chez vous de la joie, de l'empathie, de l'intérêt, de la curiosité et vous désirez le dire à l'auteur.e ?
Entamez un dialogue : écrivez-lui à notre adresse decameron2020@albiana.fr, nous lui transmettrons votre message !
  
   
Article ajouté à la liste de souhaits
Product added to compare.

Le site Albiana.fr utilise des cookies pour la gestion de votre compte client et suivre l'audience (sans suivi individuel).