Your cart
Il n'y a plus d'articles dans votre panier
Extrait
Aprili in Tagzut
Salas ghjoca in carrughju
U locu infritulitu si dumanda chì soli
Tagzut si stà sbiaditu è senza pula
o forsa sarà a sera chì ùn credi à u branu
Da un poghju landanu
u paesi hè falatu
tirendusi la ghjenti in issu carrughju incertu
duva ghjoca Salas fendu mottu à vitturi
chì francani pianu pianu
U carrughju sfundatu allenta u mondu
è Salas si ni ridi
L’ancu à compia hà stancatu i palazzi d’avà
grisgi d’un’impussibuli vichjara
Da supra
u Djurjurà stendi a so biddezza
è li ridi ancu a nevi
ghjovana
ben chì tricaticcia
