Scidditi puru u me nomi

Ci hè u fretu quantunqua… i me mani sò ghjacciati. Pargu una sarpi. Sarà u segnu ch’e m’avvicinu di un cantu duva ùn si pò rivena ? A virghjini l’hà pussutu scrasà. Possu pruvà ma sò troppu numarosi. Cù i so corpi cutrati chì rampicheghjani inghjiru à mè, mi sentu sola. Ùn mi ricunnoscini micca. Pà eddi, socu solu un puntu di calori, ma stu caldu u mi cacciani à pocu à pocu.

Divintaraghju com’eddi ? Ghjè pussibuli. Ma culpa à quali ? A soia o a voscia. Difatti, seti vo chì m’aveti puntata vers’ad eddi. Parchì dicu puntata ? Vuliu dì lampata. Mi ritrovu in fondu à stu tafonu è ùn aghju alcunu mezu da pudè sorta da quì. Ci sarà qualchissia chì mi ghjittarà una funa ? Ùn ci hè più nimu. Socu l’unica parsona chì ferma. L’unica chì t’hà sempri una parti infi ma d’umanità. Mi tocca à luttà da salvà la. Provu ad arrampicà mi, t’aghju i me primi spiddaturi. Diventani piaghi, u sangui scorri, ùn si pianta micca. Scorri longu à i me bracci. N’aghju ind’è l’ochji, a me visioni s’avvilineghja, ùn vecu più nudda. Ùn pinsavu micca ch’edda asistia qualcosa di più tetra chè a bughjura ma u culori di u sangui ghjè peghju chì quiddu di l’imbuli duva m’aveti lacata. Ti pregu un’ultima volta. Sì tù ùn ghjunghji à salvà mi, qual’hè chì pudarà ? Sola ùn ci possu riescia. I me mani sculiscini à pocu à pocu, a me caduta hà da essa brutali. Mi ritengu.

Philippa Santoni hè nata in Aiacciu. Hè urighjinaria di u paesi di Ghjannucciu. Hè in siconda annata di master ricerca di studii corsi. Cumencia à scriva in l’attellu di scrittura in lingua corsa di u Centru culturali universitariu (CCU). T’hà avutu u Premiu Andria Fazi in u 2014 è u Premiu di u libru corsu in u 2018 pà u so libru L’eiu stesu

Sunta

Crià ma micca ricrià

U Cripacori

U mandigliu

A vera puetessa sè tù

A palisatrici

I nosci cunfi ni

Primu sbagliu

Lettara I

Lettara II

Lettara III

Lettara IV 

Lettara V

Lettara à Minnana

Lettara à vo

Lettara à i spiddaculi

Lettari ad eddi

Lettara à mè

Scidditi puru u me nomi

Sarà l’ultimu