Liste des produits du fournisseur Menozzi Petru Santu

Natu in u 1987, Petru Santu Menozzi hè uriginariu di Corti. Dopu i so studii à l’università di Corsica, hà principiatu una tesa di dutturatu in Storia muderna. Qualchì testu di soiu hè statu publicatu in a rivista Bonanova.

 A marca di a puesia di Petru Santu Menozzi hè l’attenzione sempre sveglia, pronta à incappià tuttu ciò chì porta sensu è messagiu. Ma ùn si tratta di interpretà, schjarisce è scudificà u significatu di ciò chì ci vene à a mente è à i sensi. Ùn ghjova à nunda à “traduce” lu in u linguaghju cunvenutu di a lingua currente. A primura hè di sente, cun tutte e cunnutazione d’issu verbu è po lacà liberu di cuntinuà à dì in a lingua chì ùn frusta: quella puetica.

A nustalgia? È perchè chì ùn ci ne saria, nustalgia? Ùn hè vergogna nè debulezza. Basta ch’ella ùn sia lagnu, lagnanza o rammaricu, solu retorica. Furtuna s’ella hè solu sintimu di avè vulsutu gode si di più a forza di ciò chì era, chì tandu dà tantu più voglia è penseru di ùn chjode l’ochji è di gode si a forza di ciò chì hè.