N’aghju da empia un campusantu

15 x 21cm

Calamaii
9782846983556
18,00 €
TTC

Un thriller bastiais, où l'on meurt en série…

Description

Un thriller bastiais, où l'on meurt en série…

Extrait

U 5 di ghjugnu.

Si riteni di ghjurà è si ghjastema parchì hà lasciatu batta u purtoni di u casamentu. St’errori li pò custà caru : ghjorni è ghjorni di preparazioni chì ponu essa persi par via di una seconda di disattenzioni ! É si a so prossima vittima si mettia à mughjà? Dipoi a so prima purificazioni, u so primu assassiniu, i donni di Bastia sò terrurizati quand’elli rientranu soli indè elli.
« Ci hè calchissia? » dici a puverella cun una voci inchieta mentri ch’ella colla i scalini fin’è u pianu mezanu induva si trova u so appartamentu.
Li vudria arrisponda « U Diavulu ! » ma preferisci piattà si in l’attrachjata. Sò ottu ori è, in issi primi ghjorni di u mesi di ghjugnu, a notti si calà annantu à u quartieru di l’Annonciade chì s’hè viutatu di u so ribugliu. A cità hè calma, l’ingorghi di i vitturi sò spariti è i famigli sò aduniti in li so appartamenti induva ribomba a voci di u presentatori di TF1.
« Nisun’ risicu d’essa chjappu ! » si dici l’omu. Hè prutettu da a paura di passà par una imbecilla chì impedisci a so vittima di chjamà aiutu. Issa vargogna cusì naturali quì, a cundanna digià.
Trè mesi d’inchiesta. À vattà i so surtiti, i so amichi, i so visiti, in l’anonimatu di un quartieru appena fora di a cità. Sà ch’ella campa sola in sti lochi chì rinviviscinu trà l’ora d’apartura di a scola è quilla di a chjuditura di u supermarcatu. Sà assai d’altri cosi annantu à ella. L’hà rimarcata par a so parsona aggarbata, a so taglia mezana, i so capelli naturali, i so tinuti discreti, è u fattu ch’ella stà a mezu pianu è chì cusì, ùn li pò scappà pigliendu l’ascensori.
Hè una prufessurella di francesi di u liceu di Bastia, une zitella dillusa da l’amori, richjusa annantu à ella stessa dipoi ch’ella s’hè rotta cù un atleta di quartieru, un semplicioni chì si lampa annantu à tuttu ciò chì li passa davanti. Frequenta a bibliuteca municipali induva ella impresti libri d’amori par sunnià di un mondu menu foscu. Un antru universu induva spampigliularianu l’armaturi di Principi azuri annantu à stu carrughju di u Fangu chì ùn la finisci di stenda si è d’ingurgà si di casamenti è di vitturi. Una disgraziatella chì ùn hà mai cunnisciutu un veru omu, un masciu chì li faria l’amori senza piantà, ghjorni è ghjorni sani. Chì a faria mora di piaceri ! Una puverella spurcata è burlata chì aspetta a so redenzioni ! A so purificazioni ! È chì si ni cullarà in celu, à ritruvà l’anghjuli !
Eccu la chì gira a chjavi in la sarratura di u so appartamentu. Si senti traspurtatu d’entrà indè ella, è in ella, di furzà, dui volti, a so intimità. Sarà dillusa a so imaginazioni par a realità di i lochi ? Innò, ùn la credi. S’aspetta à un interiori banali, à mobili di legnu biancu è à libri ben’ assestati in una bibliuteca IKEA. Una cridenza Louis Philippe è una tavula tonda daranu un tonu caldu à u salottu. Parechji CD inzucarati in la discuteca, i classichi Barry White, Cesaria Evora è Chimène Badi... Mary Higgins Clark in la so bibliuteca, è di sicuru, Barbara Cartland è Danielle Steel. È pò spichji è pinturi annantu à muri bianchi tristi tristi. Un patrimoniu miserabili di una vita senza gioia, trà l’elevi scrianzati è l’omi malavviati chì ùn l’anu fattu cunnoscia a vera vita. Ùn fermarà nienti di u so passagiu annantu à a Terra.
Hè l’ora. A porta s’apri. Si lampa, s’appoghja annantu à ella è a punta par fà la cascà. L’accumpagna in la cascata chjudendu a porta cù u so calcagnu. Hè fattu, ùn li scapparà più. Sarà soia. Ellu, sarà u so ultimu amori.
« Nò... » pienghjiculeghji a so vittima innanzi ch’ellu li tappi à bocca è ch’ellu a stringhji sottu à ellu. Senti u so calori è u cori chì batti è batti forti di paura... è podassi ancu d’eccitazioni ?
Ùn si difendarà micca. A sà. Induvineghja ch’ellu li piaciarà di lascià si andà sottu à u muvimentu di i so reni. Hè sicuru ch’ella ni vudrà goda sempri di più, a prufessurella. È quandu u soli spuntarà, sarà pronta. Cù una sola cultellata, a rendarà pura. Un anghjulu di u Paradisu.
Ci hè da avè a paura. Ùn si sorte più in carrughju di notte tempu. Bastia ùn hà più listessa faccia. Hè diventata una cità bughja, scura, trista è sinistra. Impustatu ind’è i scorni più neri, l’assassinu aspetta. E so vittime sò donne. À sente dì hè un essere tremendu, trà periculosu psicopatu è anghjulu purificatore. A pulizza cerca ma ùn a ci face.
In u bar “U Fantastica”, a tensione cresce, intrattenuta da Jean chì quand’ella cala a cunsumazione, serve quella di u patrone. Trà ellu, Morales u giurnalistu è a pulizza chì porta a so inchiesta à pocu à pocu si stende l’aghja di u suspettu. L’osservanu una donna chì serve in caffè, Battì chì si crepa à u travagliu per esce da a miseria. È un assassinu chì ùn si piatta mancu à pena, puru s’è i prutagunisti per avà ùn lu vedenu....

Détails du produit

Parution
Albiana 2010
Format
15 x 21cm
Nouveau produit

A propos Calamaii

Commentaires

Aucun commentaire

Les clients qui ont acheté ce produit ont également acheté...