Your cart
There are no more items in your cart
Quatrième de couverture
Cità è omini di i tempi landani, scuri o svaniti ; utopia, ucronia, tempi di dopu cataclismu, d’epidemia ; mondi pruiettati in l’immensità di u spaziu senza fini…
Populi barbari, guerrieri, di rilighjoni sminticati, ghjenti urgugliosi, viziosi, senza mimoria… senza futuru !
Mondi doppii, strani, trimendi… infribbati !
È a vita è a morti in puntu, da u prima à l’ultimu minutu… un filu tenaru tenaru trà eddi.
Eccu ciò chì si pudarà leghja in ‘ssi nuvelli fantasiosi, à volti spiritosi, sempri cù ‘ssu toccu literariu particulari chì ci porta à rifletta è à ripinsà u mondu d’oghji è a Corsica di dumani.
Marceddu Jureczek hè prufissori agrigatu di corsu. Hà scrittu parechji saggi è rumanzi. Torna quì à i so primi amori literarii, i nuvelli…
