Your cart
Il n'y a plus d'articles dans votre panier
Quatrième de couverture
Latina
Latina di li quattru venta
À dì l’isuli cardinali
Middi li risi è li pienta
Sò di lu sempri è di l’avali
Latina di magia vechja
È lu to sguardu par altari
È la prima ora chì si spechja
À l’ira di l’intimu mari
Latina quant’è sonniu stridu
È straccià l’alba d’una volta
À la mimoria senza nidu
À l’ochji di la me rivolta
Latina di a risa nova
In l’arghja di ciò chì s’inventa
Quandì u cori a si prova
Quandì u ricordu a si stenta
Latina d’incerti passioni
L’amanti d’una volta sola
Chì un solu fiatu s’imponi
À la spiranza strina in gola
Latina di ciò chì ùn era
Chè u troppu di a sumidda
O ! s’iddu ci fussi manera
In sonniu di tena la fida
Latina di l’umani avvinti
Ma quantu n’avaremu tarri ?
Da una stessa luna accinti
Spartuti da u stessu mari
